Oqillik va Johillik

Bundan 10 yil avval ham internet bugungi kunimizdagi kabi rivojlanmagan edi. Hozirgi kunda internetdan foydalanmagan vatandoshimizni topish qiyin bo'lsa kerak. Eng kamida skype yoki boshqa ijtmoiy tarmoqdan foydalanishadi. Bugungi kunda internetdan deyarli barcha sohada foydalanish mumkin bo'lganidek, qora niyatli kishilar ham internet tarmoqlarida anchagina faol bo'lib qolishgan. Yaqinda Odnoklassniki.ru filmini ko'rdim, va film joylashtirilgan saytdagi film tagiga yozilgan izoh o'qib chiqdim. İzoh qoldirganlarni ko'pchiligi O'zbekistondan tashqarida yashayotgan vatandoshlarimiz tomonidan qoldirilgan. Achinarlisi film va film ijıodkorlari sha'niga tegadigan haqoratli izohlar qoldirilgan. Kino barchaga birdek manzur bo'lmasligi tabiiy lekin kinodagi voqeaga o'xshash voqealar hayotda mavjudku, nahotki buni o'sha izoh qoldirgan "vatandoshlar" ko'rishmayabdi? Men ham "kino biroz bo'rtirilgan bo'lishi mumkin lekin hayotda uchrab turgan voqealardan olingan" desam meniyam dinsiz va kofir deyishgacha borishdi. Hozirgi kunda istalgan ijtimoiy tarmoqqa kirsangiz, Odnoklassniki, Facebook bo'lsin barchasida dinni niqob qilib olgan qora niyatli kishilar borligini ko'ramiz. Dindan savol bersangiz chala-chulpa javob ebradi, topgan gapi "jihod". Shahsan o'zim ko'rganimni aytyapman, shunday qora niyatli razil kimsalar tarafidan turli aldov yo'li bilan miyyasini zaharlab Suriyaga jihodga ketayotgan 3-4 vatandoshimizni ko'rdim. Ularga bu hato yo'l, ota-ona rozi bo'lmaydi desam :"ota-onamiz bizni dunyoga kelishimizga sababchi holos" degan gapni aytishdi.  İjtimoiy taqmoda dindor niqobi ostida yoshlarni ongini zaharlayotganlar orasida ayollar ham anchagina faol. Umuman olganda ijtimoiy tarmoqda nafaqat din, balki boshqa niqob ostida miyya zaharlayotganlar ham bor. Jumladan O'zbekiston Xalq Harakati degan "harakat" a'zolari anchagina bo'lmasada baribiram mavjud. Ular ham asosan yoshlarni o'z safiga qo'shish va tinch davlatimizni tinchligini buzishga qaratilgan. Ular orasida Jihod degan so'zni mahkam ushlab olgan kimsalar ham bor. Shuningdek internet saytlariga kirsangiz internetda fohishabozlikni targib qilayotganlar, porno rasm va video tarqatayotganlar, odam savdosi bilan shugullanayotgan toifalarniyam uchratasiz. İnternetdan oqillik bilan emas johillik bilan foydalanayotgan toifalar ko'paysa ko'payyapdiki aslo kamaymayapdi. TVda, gazeta va jurnallarda bunday tahlikali johillar haqida xar qancha ogohlantirilsada negadir ayrim yurtdoshlarimiz baribir johil kimsalar to'riga tushib o'zlari ham johilga aylanib qolishyabdi. Bugungi kunda shu internet orqali oila qurganlar bo'lganidek, internet tufayli butun oila barbod bo'layotgani, ayrim oila buzilib, bolalar yetim qolayotganiyam sir emas. 15-16 yoshlik o'smir yigit va qizlarni yosh desak, kap-katta 30-40 yoshdagilarni nima deyishimiz mumkin? Nega vatandoshlarimiz shuncha ogohlantirilishiga qaramay johillar to'riga o'zlarini otishga harakat qilaverishadi?. İnternetdagi har kim ham Din borasida yetarlicha bilimga ega emas, İnternetdagi har kim ham siyosatni to'la tushunadigan siyosatchi emas, Va internetdagi har kim ham tijoratchi yoki ishga joylab qo'yadigan ish yeriga ega emas. Aslida men yuqoridagi fikrimni musobaqa uchun yozmadim, yozishni ancha oldin niyat qilgan edim. Hozir qisqacha bo'lsada o'z fikrmni yozdim, batafsil va to'liq bir necha kundan kegin yozishni niyat qilganman.